ინტერაქტიული გაკვეთილი ფსიქოლოგიური თამაშების გამოყენებით

 

ინტერაქტიული გაკვეთილი ფსიქოლოგიური თამაშების გამოყენებით IV  კლასში

მშობელთა ჩართულობის პროგრამის ფარგლებში  ჩემს სადამრიგებლო მე-4  კლასში, მშობელი-ფსიქოლოგის თამარ ადეიშვილის დახმარებით ჩატარდა ინტერაქტიული გაკვეთილი ფსიქოლოგიური თამაშების გამოყენებით. დასაწყისში ბავშვებს მიეწოდა მოკლე ინფორმაცია ფსიქოლოგიის არსისა და როლის შესახებ ადამიანის ცხოვრებაში. ფსიქოლოგიური თამაშების გამოყენებით გაეცნენ შემეცნებით ფსიქიკურ პროცესებს: აღქმას, მეხსიერებას, ყურადღებასა და აზროვნებას, რომელთაც არსებითი როლი აკისრია სწავლება-სწავლის პროცესში.

 აღნიშნული თამაშები ძალიან ხალისიანია და შესაბამისად ბავშვები აქტიურად არიან მასში ჩართული. ამავე დროს შემეცნებითი და განმავითარებელია, რაც ხელს უწყობს კლასში ღია, მეგობრული და კეთილგანწყობილი ურთიერთობების ჩამოყალიბებას.

ბავშვებმა „სმაილების“ დახმარებით ასევე განიხილეს ემოციური პროცესები და შესაბამისი მოსალოდნელი ქცევები.

გაკვეთილზე გამოყენებული თამაშების მიზანს წარმოადგენს:

• შემეცნებითი ფსიქიკური ფუნქციების განვითარება.

• კლასში კარგი ურთიერთდამოკიდებულების ჩამოყალიბება;

• საკუთარი განცდების, ფიქრების და სურვილების გაზიარება სხვებისათვის.

• განტვირთვა და დაძაბულობის მოხსნა.

აღსანიშნავია, რომ ბავშვებმა ნათლად დაინახეს თამაშის როლი კოგნიტურ განვითარებაში.

შეხვედრა მართლაც ძალიან სასიამოვნო და საინტერესო იყო.